काठमाण्डौ, ९ फागुन; पूर्व सुरक्षाकर्मी परिषद् नेपालले, वैदेशिक रोजगारमा जानचाहने पूर्व सुरक्षाकर्मीहरूको हकहितका तमाम सवालहरूलाइ सम्बोधन गरी विदेश यात्रालाइ सुनिश्चित र भरपर्दो बनाउन, प्रवास श्रम समन्वय सम्पर्क कार्यालय खोलेको छ। वैदिक सनातन विधिले पुजाकर्म गरी पानसमा बत्ती बालेर नेपाली सेनाका पूर्व सहायक रथी प्राध्यापक डा.श्री प्रेमसिंह बस्न्यातले कार्यालयको शुभारम्भ गर्नुभएको थियो। आय आर्जनको लागि विदेशिन बाध्य भएका तमाम नेपालीहरुले निर्धक्क भएर बैदेशिक रोजगारको यात्रा गर्न सकुन भनी वैदेशिक रोजगार सम्बन्धी संपूर्ण जानकारी दिने र श्रम कार्यालयसँग सम्बन्धित आवश्यक सवैखाले सेवा पुर्याउने उदेस्यले नेपाली सेनाबाट अवकास प्राप्त श्री शशी प्रकास हमालको संयोजकत्व रहनेगरी सेवा प्रवाह शुरु गरिएको छ।
प्रवास श्रम समन्वय सम्पर्क कार्यालय उदघाटन् समारोहमा पूर्व सुरक्षाकर्मी परिषद् नेपालका केन्द्रिय अध्यक्ष श्री के.वि.राउत, उपाध्यक्ष श्री पुष्पाखर गौतम लगायत अन्य पदाधिकारीहरुको उपस्थिति रहेको थियो। वैदेशिक रोजगारमा जान इच्छुक पूर्व सुरक्षाकर्मी लगायत सवैलाई यस सम्पर्क कार्यालयबाट उच्च स्तरको सेवा प्रदान हुनेछ भन्ने पूर्ण विश्वास गर्दै, हार्दिक बधाइ एवम शुभकामना व्यक्त गर्दछौ।
सम्पर्क व्यक्ती Sashi Prakash Hamal, Mobile No: 9847822282
धन्यवाद।
